fbpx

Rolling Hills > Articles by: admin

Author: admin

Përse blerësit e zgjuar po zgjedhin ofertat me 10% parapagim dhe plan lehtësues pagese

Blerësit e zgjuar janë duke bërë lëvizje strategjike në tregun e pasurive të paluajtshme të Shqipërisë. Ata po zgjedhin prona që ofrojnë fleksibilitet në planin e pagesës.

Në tregun dinamik të pasurive të paluajtshme në Shqipëri, ata mund të blejnë tashmë një pronë duke paguar vetëm 10% parapagim gjatë gjithë vitit të parë dhe të përfitojnë nga këste pagese lehtësuese, në vend që të paguajnë 20%-30% parapagim.

Ky plan pagese lehtësues është duke ridimensionuar mënyrën se si blihen pronat.

Ja 5 arsye përse po zgjidhet nga të gjithë ata që duan të investojnë në prona elitare.

  1. Parapagim minimal, mundësi të shumta

Me vetëm 10% parapagim, blerësit mund të zgjedhin vilën e tyre në një prej komuniteteve më prestigjioze të periferisë së Tiranës, pa bërë një investim shumë të lartë financiar që ditën e parë. Kjo bën që jetesa luksoze të jetë më lehtësisht e arritshme, duke i lejuar blerësit të menaxhojnë më mirë financat e tyre.

  1. Plan fleksibël pagese

Ndryshe nga blerjet e zakonshme të pasurive të paluajtshme, Rolling Hills Liqeni ofron një plan pagese të menduar për t’iu përshtatur çdo preference financiare. Plani fleksibël bën që blerësit të kenë mundësi ta shtrijnë pagesën e tyre në kohë, duke e bërë kështu më të lehtë investimin në një shtëpi premium, pa pengesa të mëdha financiare.

  1. Jetesë ekskluzive buzë liqenit dhe afër kryeqytetit

Rolling Hills Liqeni shtrihet në zonën e qetë të Farkës, vetëm 10 minuta larg Tiranës. Kjo balancë ideale ndërmjet qetësisë dhe aksesueshmërisë e bën atë një destinacion unik për familjet dhe investitorët që kërkojnë një vend të qetë për të jetuar, pa sakrifikuar lehtësirat që ofron qendra urbane. Gjithashtu, natyra përreth, ajri i pastër dhe pamja panoramike ofrojnë një cilësi jete të pakrahasueshme.

  1. Potencial i lartë investimi

Tregu i pasurive të paluajtshme në Tiranë po rritet me shpejtësi dhe zonat në afërsi të Farkës po kthehen në lokacione mjaft të lakmuara. Të investosh në Rolling Hills Liqeni sot do të thotë të sigurosh një pronë me vlerë të lartë, në një lokacion me potencial shumë të mirë. Plani fleksibël i pagesës i mundëson blerësve që të bëhen lehtësisht pjesë e këtij tregu që po rritet vit pas viti.

  1. Jetesë premium në një komunitet të përzgjedhur

Rolling Hills Liqeni është konceptuar për ata që vlerësojnë privatësinë, sigurinë dhe cilësinë e lartë të jetesës. Komuniteti ofron vila të dizenjuara bukur, gjelbërim, hapësira rekreative dhe një eksperiencë të pakrahasueshme rezidenciale. Kjo është një mundësi unike për të blerë një pronë në një nga zonat më të kërkuara të Tiranës, qoftë si shtëpi e parë apo si një investim afatgjatë.

Shtëpia e ëndrrave është më afër se kurrë

Me vetëm 10% parapagim dhe një plan pagese fleksibël, të blesh një shtëpi në Rolling Hills Liqeni nuk ka qenë kurrë më e lehtë. Mos e humbisni shansin për të investuar në një pronë që ofron kaq shumë përfitime financiare. Veproni tani dhe siguroni vilën tuaj në këtë komunitet ekskluziv.

V1
V2
V3
in RH Liqeni Posted by admin

Rolling Hills Liqeni, menduar për ty

Ka vende që sapo i sheh të bëjnë të ndihesh si në shtëpi. Ka vende që duken të menduara posaçërisht për ty, ku çdo detaj është pjesë që plotëson mozaikun. Ka vende që të përcjellin ndjesi të fortë përkatësie, ku gjithçka rezonon me atë që je dhe atë që kërkon.

Një vend i tillë është Rolling Hills Liqeni, ku çdo gjë është menduar për ty, për ditët e qeta nën hijen e pemëve, për mbrëmjet e ngrohta me familjen, për mëngjeset me aromë kafeje dhe për shëtitjet e gjata buzë liqenit.

Këtu fillon një jetë e re, në një rezidencë banimi ky kryefjala është gjelbërimi, ky natyra shkrihet me komoditetin. Këtu ndodhet Piazza, e menduar për ty që të pëlqen të çlodhesh me një koktej pas një dite të gjatë, që shijon darkat në restorant, për ty që kërkon të kesh afër gjithçka që të duhet në përditshmëri dhe nuk bën kompromise për cilësinë e jetës.

Edhe parku rekreativ është menduar për ty, me kënde sportive, ku mund të ushtrohesh dhe të rigjesh energjinë, me zona të dedikuara për argëtim, relaks, meditim apo thjesht për të shijuar qetësinë dhe natyrën. Për fëmijët e tu, janë menduar kënde lojërash ku gëzimi dhe aventura marrin jetë në natyrë. Një hapësirë ku ata mund të vrapojnë të lirë, të ndërtojnë botën e tyre përmes lojës, të rriten mes të qeshurave dhe të krijojnë kujtime të çmuara.

Vila me pamje nga liqeni, me ndriçim natyror që mbush çdo dhomë, me hapësirat e bollshme që të japin liri, edhe pishina private ku çdo ditë të duket sikur je me pushime, është menduar vetëm për ty. Sepse Rolling Hills Liqeni nuk është vetëm një rezidencë banimi, por një stil jetese i ndërtuar mbi idenë se lumturia ndodhet në freskinë e ajrit të pastër, në qetësinë e mbrëmjes apo në ngjyrat e natyrës që pas çdo stine ndryshojnë peizazhin që sheh kur zgjohesh në mëngjes.

Rolling Hills Liqeni është vendi ideal për fillimet e reja dhe një mundësi e shkëlqyer investimi, sepse është menduar për ty, për të përmbushur kërkesat e një jetese premium, mes gjelbërimit dhe fare pranë qendrës së qytetit.

GrVilash_R2
R3_Int_DhomeDite-min
GrVilash_R2
in RH Liqeni Posted by admin

Rolling Hills Liqeni prezanton Parkun Rekreativ, një koncept ekskluziv për banorët e tij

Një nga zonat më të preferuara të periferisë së Tiranës është pa dyshim ajo e kodrave të Farkës, që dallohet për biodiversitetin, relievin tërheqës kodrinor si dhe trashëgiminë e pasur natyrore me rëndësi të madhe ekologjike. Liqeni i Farkës karakterizohet nga ujëra të pastër dhe peizazh piktoresk që tashmë mund të shijohet përgjatë Lungolagos që shtrihet rreth e qark liqenit. Në këtë zonë mjaft të lakmuar të periferisë shtrihet edhe Rolling Hills Liqeni, i cili ofron një jetesë premium në mes të gjelbërimit dhe ajrit të pastër.

Një nga risitë që sjell ky projekt rezidencial është Parku Rekreativ brenda kompleksit, i konceptuar për të nxitur jetën pranë natyrës, argëtimin dhe ndërveprimin mes banorëve. I ndarë në tre zona të ndryshme me një sipërfaqe prej më shumë se 800 metrash, ky park krijon një lidhje harmonike ndërmjet rezidencave dhe Liqenit të Farkës, duke ofruar në çdo cep diçka të re për të shijuar dhe eksploruar. Si një hapësirë e dedikuar për të gjithë familjen, Parku do të kthehet në qendrën e aktivitetit dhe relaksit për banorët dhe vizitorët.

Parku

Parku i Rolling Hills Liqeni nuk është konceptuar thjesht si një hapësirë argëtimi, por edhe për të përfaqësuar një angazhim ndaj kultivimit të një jetese në harmoni me natyrën. Në të gjithë shtrirjen e tij, përbëhet nga pemë, bimësi e ulët, lulet autentike të zonës dhe një gjelbërim të pasur, duke krijuar mjedisin ideal për ruajtjen e ekosistemit të kësaj zone. Për të nxitur akoma më shumë ndërveprimin e banorëve me natyrën, është projektuar të mbillen edhe pemë frutore të ndryshme, që do ta pasurojnë akoma më shumë peizazhin natyror.

Zona e piknikut

Parku Rekreativ ofron mundësi argëtimi për të gjitha grupmoshat, të cilat mund të angazhohen në aktivitetet e tyre të preferuara. Ata që e duan natyrën do të kenë vendin ideal për të shijuar një drekë me pamje nga liqeni i Farkës, ose thjesht të relaksohen në mes të natyrës.

Pista e vrapit dhe zona e fitness

Për ata që preferojnë aktivitetin fizik, brenda parkut të Rolling Hills Liqeni ndodhen shtigje në mes të gjelbërimit për ecje, pistë vrapimi dhe një korsi biçikletash. Për të gjithë të apasionuarit e Fitness-it, hapësira e dedikuar për stërvitje në natyrë do të jetë një nxitje më shumë për të pasur një jetë të shëndetshme dhe për të ushtruar sportet tuaja të preferuara në mes të gjelbërimit.

Pika panoramike dhe zona pushimi

Në të gjithë parkun gjenden pika të ndryshme panoramike nga ku mund të shihet peizazhi piktoresk i natyrës përreth. Banorët dhe vizitorët mund të shijojnë qetësinë në mes të natyrës si dhe të ndërveprojnë me njëri-tjetrin në hapësirat e dedikuara për pushim dhe relaks, duke forcuar akoma më shumë lidhjen me komunitetit.

Këndi i lojërave

Rolling Hills Liqeni ofron mundësi të shumta për aktivitetin e fëmijëve në natyrë, duke krijuar një ambient të sigurt dhe tërheqës për të vegjlit, nga oborret private të vilave, e deri tek këndet e lojrave të pajisura me struktura moderne dhe të dizenjuara me kujdes për argëtimin dhe sigurinë e tyre. Parku rekreativ brenda kompleksit është projektuar me vëmendje të veçantë për të plotësuar nevojat e fëmijëve, duke krijuar një hapësirë ku ata mund të shijojnë lojën në natyrë, të zhvillojnë aftësitë e tyre fizike dhe sociale, si dhe të kalojnë kohë cilësore me familjen dhe miqtë.

Parku i Rolling Hills Liqeni është më shumë se thjesht një hapësirë rekreative, është një eksperiencë gjithëpërfshirëse që nxit harmoninë ndërmjet komunitetit dhe natyrës. Përveç se një vend për të pushuar pas një dite të lodhshme, ky park do të frymëzojë një mënyrë jetese të re më të shëndetshme, duke ofruar hapësira që i përshtaten çdo nevoje për aktivitet fizik, relaks dhe argëtim.

in RH Liqeni Posted by admin

Jeta buzë liqenit, investim për shëndetin dhe mirëqenien tuaj.

Të gjithë e dimë se jetesa po bëhet gjithmonë e më frenetike. Ritmi i përditshmërisë ndonjëherë është aq i lodhshëm sa mezi presim të “arratisemi” diku për të pushuar disa ditë. Kur kërkojmë qetësi dhe relaks, mendja na shkon natyrshëm tek deti apo liqeni, por ndoshta nuk e kuptojmë arsyen përse ndihemi aq mirë pranë ujit.

Mbi 20 vite më parë nisën të zhvilloheshin studime të shumta për benefitet shëndetësore që sjell koha e kaluar në hapësira të gjelbëruara. Kontakti me natyrën shihej pa dyshim si mënyra më e mirë për t’u relaksuar dhe për të rivendosur paqen e brendshme tek njerëzit. Të qenurit pranë ujit konsiderohej se sillte të njëjtin efekt, por me kalimin e viteve shkencëtarët kanë zbuluar se uji ka një efekt qetësues edhe më të lartë se sa gjelbërimi, e veçanërisht liqeni, i vetmi vend ku qetësia ndjehet, shihet dhe dëgjohet.

Efekti relaksues i ujit është i faktuar dhe jetesa buzë liqenit ofron një burim të vazhdueshëm qetësie përmes tingujve ritmikë të ujit dhe peizazhit, duke ndikuar në reduktimin e ndjeshëm të stresit. Studime të shumta kanë treguar se të jetosh afër liqenit redukton prodhimin e hormoneve të stresit dhe promovon mirëqenien mendore.

Pra të zgjedhësh të jetosh buzë liqenit nuk është thjesht një stil jetese apo një trend, por një investim për shëndetin dhe një nga përfitimet më të dukshme shëndetësore është cilësia e padiskutueshme e ajrit. Gjelbërimi që rrethon liqenin shërben si një pastrues natyral dhe të thithësh çdo ditë ajër të pastër përmirëson ndjeshëm sistemin respirator, veçanërisht në një kohë kur alergjenët dhe ndotësit janë shtuar ndjeshëm duke bërë që më shumë njerëz të vuajnë nga alergjitë, azma apo çrregullimet e ndryshme respiratore.

Ndër të tjera, jetesa buzë liqenit ofron mundësi pa fund për aktivitete të ndryshme dhe stërvitje në natyrë. Sportet ujore, vrapi apo ecja në natyrë, yoga apo meditimi, të gjitha janë aktivitete që promovojnë shëndetin fizik dhe mendor. Mjedisi i gjelbëruar përreth i bën akoma më tërheqëse aktivitetet në natyrë dhe ofron një shtysë më shumë për të ndjekur një stil të shëndetshëm jetese, të fokusuar në qëndrimin sa më gjatë jashtë mureve të shtëpisë, që më pas përkthehet në ekspozim më të gjatë ndaj rrezeve të diellit dhe vitaminës D.

Ajri i pastër, aktiviteti fizik dhe niveli i reduktuar i stresit janë faktorë që kontribuojnë edhe në cilësinë e lartë të gjumit, gjë që është pohuar vazhdimisht nga personat që kanë zgjedhur të jetojnë buzë liqenit kudo nëpër botë.

in RH Liqeni Posted by admin

Çfarë duhet të keni parasysh kur vendosni të blini një shtëpi buzë liqenit!

Imagjinoni si mund të jetë shtëpia juaj e ëndrrave. Buzë liqenit? Në mes të gjelbërimit? Pranë faciliteteve që ju nevojiten në përditshmëri? Nëse vendosni të blini një shtëpi buzë liqenit, duhet të merrni disa fakte në konsideratë që nga lokacioni e deri tek mundësia e përfitimit. E rëndësishme është të dini se çfarë kërkoni dhe të bëni zgjedhjen që i përshtatet më shumë stilit tuaj të jetesës.

Lokacioni

Të blesh një shtëpi buzë liqenit është pa dyshim një investim shumë i rëndësishëm që e bëni vetëm një herë në jetë. Nëse kërkoni që ky investim të jetë shtëpia juaj e përhershme, duhet të merrni në konsideratë edhe lokacionin, në mënyrë që të keni afër facilitetet që janë të nevojshme në përditshmërinë tuaj. Rollling Hills Liqeni, i vendosur buzë Liqenit të Farkës ju jep mundësinë të shijoni të gjithë avantazhet e një jete në kontakt të ngushtë me natyrën, duke qenë vetëm 10 minuta largnga qendra.

Jetesa në komunitet

Komplekset rezidenciale buzë liqenit ofrojnë mundësinë për një jetë më sociale, ku fqinjët lidhen nëpërmjet aktiviteteve të përbashkëta në natyrë. Edhe një ecje e rastësishme pranë liqenit ofron një mundësi për të bërë miq të rinj. Aktivitetet sportive, të qeshurat e fëmijëve në park e pishinë apo bisedat miqësore në verandat e gjelbëruara janë ato që ushqejnë frymën e komunitetit dhe pasurojnë jetën tuaj të përditshme.

Mundësitë Rekreative

A e dini se Liqeni i Farkës karkaterizohet nga ujëra tepër të pastra, të kthjellta dhe pa mbetje urbane, të cilat japin mundësinë që të zhvillohen sporte të ndryshme ujore, si peshkimi sportiv, kanotazhi por edhe gara noti. Të kesh shtëpinë tënde në një kompleks si Rolling Hills Liqeni, ju jo vetëm përfitoni nga koncepti premium i vetë projektit, por gjithashtu dhe nga mundësitë e shumta që vetë Parku i Farkës ofron.

Mundësia e qiradhënies

Nëse doni të investoni duke blerë një shtëpi buzë liqenit, mundësia e qiradhënies duhet të jetë një faktor shumë i rëndësishëm për t’u marrë në konsideratë. Në një kohë shumë të shkurtër mund të shikoni se si shtëpia juaj kthehet në një investim mjaft fitimprurës.

Hapësirë për çdo aktivitet

Arsyeja kryesore për të cilën kushdo kërkon të jetojë në periferi, është pa dyshim për të pasur më shumë hapësirë brenda dhe jashtë shtëpisë. Një hapësirë e jashtme e këndshme, ku të argëtohesh me miqtë dhe familjen është pa dyshim një vlerë e shtuar e shtëpisë. Një vend ku të stërviteni në natyrë, një kënd lojërash për fëmijët apo një pishinë ku të krijoni kujtime magjike. Hapësira e jashtme e shtëpisë tuaj mund të ketë çdo gjë që i përshtatet më shumë jetesës që dëshironi të keni.

Të ndihesh çdo ditë sikur je me pushime

Çfarë kërkojmë vërtetë kur jemi me pushime? Një vend të gjelbëruar? Ajër të pastër? Të kalojmë disa ditë larg zhurmës apo ngarkesës së punës? Të shijojmë një pije buzë liqenit ose pishinës? Po sikur të gjitha këto t’i keni çdo ditë? Shtëpia juaj buzë liqenit mund të jetë vendi i çlodhjes pas një dite të gjatë në punë, ku rëndësi ka vetëm koha cilësore me familjen.

in RH Liqeni Posted by admin

Përse të gjithë po preferojnë vilat e mëdha për të jetuar?

Çdokush nga ne dëshiron të kthehet në shtëpi për të shijuar një filxhan me kafe të ngrohtë, një gatim të preferuar, për ndjesinë e mbështjelljes me jorgan në ditët kur nuk dëshiron të bësh asgjë dhe ndjesia më e pakrahasueshme me asgjë tjetër; përqafimet e atyre që do më fort. Këto janë disa nga gjërat për të cilat themi shpesh se s’ka asgjë si shtëpia. Pavarësisht se sa e vogël apo e madhe është ajo, ne e ndjejmë ngrohtësinë e saj. Asnjë hotel apo resort në këtë planet nuk mund të na dhurojë të njëjtën ndjenjë. Kur flasim për shtëpi më të mëdha, të gjithë ëndërrojmë të jetojnë në një vilë luksoze, me hapësira të mëdha dhe zakonisht të jetë larg zhurmës së qytetit dhe në mes të ajrit të pastër. Njerëz të moshave të ndryshme, ëndërrojnë të investojnë në një vilë që i ka të gjitha lehtësitë.
Kur vjen puna për të vendosur mes investimit në një vilë apo në një apartament modern, shumica e njerëzve do të zgjedhin opsionin e parë. Ky trend, i cili prej kohësh dominon real estate në botë, tashmë është kthyer në një nga kërkesat më të mëdha të tregut edhe në Shqipëri. Vetë zhvillimi i periferisë së Tiranës, aty ku aktualisht po zhvillohen projekte të reja premium, është një tregues i kërkesës në rritje për të jetuar në vila të mëdha, me hapësira të bollshme brenda, si dhe hapësira të jashtme që ofrojnë pishina apo kopësht.

Po përse të kesh një një vilë është zgjedhja e parë për shumicën e njerëzve sot?

  • Privatësia e plotë
    Jetesa në apartamente shpesh kthehet në një sfidë kur vjen puna tek shumë hapësira që janë të përbashkëta dhe duhet t’i menaxhosh në koordinim me fqinjët. Kur ti ke pishinën tënde, një kopsht, një tarracë private dhe parkim të dedikuar, gjithçka tingëllon kaq perfekte. Kopshti jashtë vilës suaj mund të përdoret për festa të vogla familjare, një pushim joga apo edhe për një Barbecue të dielën me miqtë e ngushtë.

  • Sipas botës dhe dëshirave të tua
    Kur zotëron vilën tënde, ti ke mundësinë ta dizajnosh atë siç ti dëshironi, ndryshe nga investoni që bëjmë në një apartament ku hapësira është e kufizuar. Kur dizajnon një vilë, ti ke mundësi pafund sesi të organizosh dhomat e tua, si ta përdorësh bibliotekën, apo dhomën që dëshiron ta kthesh në zyrë apo një kënd për të krijuar. Hapësirat për të qenë kreativ janë të pafundme.
  • Larg jetës së qytetit
    Jeta në qytet është dinamike, por të jetosh në vilë të sjellë paqe dhe lumturi. Fëmijët mund të luajnë në kopsht, të zhyten në pishinë dhe për ata që kanë kafshë shtëpiake, ato mund të vrapojnë lirshëm në hapësirat e bollshme përreth. Kur jeton në një vilë, je shumë larg rrëmujës së qytetit. Nuk dëgjon zhurmat e makinave, sirenat e ambulancave dhe mund të krijosh kopshtin që gjithmonë ke dashur me lule shumëngjyrshe apo trëndafila për një kënd lumturie. Kjo është hapësira jote private dhe askush nuk mund të hyjë pa lejen tënde. Është streha JOTE e qetë.

  • Jetoni siç dëshironi
    Ti mund ta përdorësh vilën si një vend për festa, si një shtëpi për të jetuar me gjithë familjen tënde, apo edhe si një shtëpi pushimi. Të jetosh në një vilë të jep lirinë për ta përdorur atë ashtu siç dëshiron! Projekti më modern që po ndërtohet në pranë liqenit të Farkës, Rolling Hills Liqeni, siguron gjithashtu një kthim të shpejtë të investimit në kohë, falë potencialit që ofron zona për ta lënë me qira, vlerës së tregut që rritet dhe kërkesës së lartë nga blerës të ndryshëm.

    Ajo që vlen në fund: Konsideroje këtë si një investim! Kur blen një vilë, ti mund ta shesësh atë me një vlerë më të lartë për një periudhë të shkurtër. Ajo që po dominon sot tregun është qiradhënia. Ky është një investim edhe më i mirë, i cili do t’jua kthej brenda pak vite investimin fillestar.

    Me pak fjalë, është një ëndërr për shumicën e njerëzve. Prandaj, qëndroni të lidhur me faqet e Rolling Hills për të mësuar të parët planet komode të investimit dhe mundësitë e tjera që projekti ofron për klientët e tij. Guxoni dhe kthejeni ëndërr e një shtëpie që i ka të gjitha, në realitet dhe stilin tuaj të përhershëm!

in RH Liqeni Posted by admin

Rezidencat luksoze po bëhen kaq shumë të kërkuara për shkak të “40-vjeçarëve”!

Banesat luksoze janë kthyer në investimet më të preferuara, sidomos pas pandemisë së Covid-19. Sipas tendencave të fundit të vërejtura në tregun e këtyre pasurive, interesant është fakti rritjes së numrit të milenialëve, të cilët janë më të interesuarit për të blerë një shtëpi luksoze. Milenialët janë të zotët me teknologjinë, e vlerësojnë jetesën e mirë, janë individë me të ardhura të larta që kanë një preferencë për një kombinim luksoz të dizajneve të shtëpive të mëdha dhe objekteve moderne. Tregu është gjithashtu dëshmitar i ndryshimit të mentalitetit nga ndarja e investimeve në pasuri të paluajtshme në disa vende, në zgjedhjen e një investimi të vetëm dhe shumë të mirë që siguron luks dhe një vend banimi të përhershëm.

Deri para disa vitesh, milenialët (njerëzit e lindur mes viteve 1981 dhe 1996) nuk po nxitonin të blinin shtëpi, duke shprehur dashuri të përjetshme për stilin e tyre të jetesës në lëvizje, duke punuar shpesh në vende të ndryshme.

Por pandemia, edhe në tregun imobiliar duket se ndryshoi disa gjëra dhe milenialët tani po tregohen më të guximshëm, duke blerë shtëpi shumë të shtrenjta në të gjithë botën.

Arsyet pse zgjedhin banesat luksoze

Pandemia ka theksuar vlerën e jetesës në një mjedis të shëndetshëm. Transformimi në tregun e banesave luksoze është ndikuar nga më shumë faktorë se thjesht zgjedhja e komunitetit. Si gjeneratë, milenialët kanë tendencë të jenë më të arsimuar, të kenë të ardhura më të mira dhe të trashëgojnë më shumë se njerëzit në të kaluarën. Kjo krijon një grup demografik që ka fuqi blerje të fortë dhe investon të ardhurat në shtëpi luksoze që janë më funksionale dhe energji-eficente.

Karakteristikat që i tërheqin milenialët drejt shtëpive luksoze

 

Një “must” i ditëve të sotme: Hapësira e gjelbër!

Lëvizja drejt vendeve të gjelbëruara tashmë është kthyer në një nevojë të domosdoshme, duke çuar në një ndryshim thelbësor të asaj që konsiderohet si luksoze. Pa gjelbërim, nuk ka luks!

Hapësirat e rindërtuara dhe facilitetet e përparuara

Demografia e blerësve dhe pritshmëritë e tyre ndaj pronës kanë evoluar si rezultat i normalitetit të ri. Facilitetet, projektet e ardhshme ose ndërtesat me hapësira më të mëdha jashtë, hapësirat private ose hapësirat e përbashkëta sot po bëhen gjithnjë e më të përparuara me zhvillimin e teknologjisë.

Teknologjia e shtëpive inteligjente

Kur koha është e kufizuar dhe nevojitet një ekuilibër mes punës dhe jetës personale, teknologjia vjen në ndihmë. Sistemet e automatizimit të shtëpisë i japin pronarit kontroll të plotë mbi gjithçka, nga rregullimi i temperaturës deri te sistemet e argëtimit. Jo vetëm kjo, por kamerat e lidhura me Wi-Fi ndihmojnë në monitorimin e shtëpive të sotme me teknologji të lartë. Këto janë disa nga veçoritë që ju ofrojnë rehati dhe lehtësi të jetesës, me një prekje të një butoni ose me një klikim të vetëm.

Dizajnet moderne

Zhvilluesit e pronave të patundshme po prezantojnë dizajne fenomenale dhe po mahnisin blerësit nga e gjithë bota. Definimi i luksozes ndryshon nga personi në person, pasi njerëzit kanë aspirata dhe ide unike në terma të dekorit të shtëpisë, shijes dhe qëllimeve të tyre.

Siguria

Shtëpitë luksoze janë më shumë se thjesht komoditet, ato ofrojnë siguri totale. Siguria është bërë një aspekt kyç dhe kjo është arsyeja pse ofrohet monitorim dhe mbikëqyrjeje 24 orë.

Përfundime

Ka një numër në rritje të brezit të milenialëve që planifikon të vendoset në pronat luksoze në periferi. Ata duan të jetojnë në shtëpi luksoze që ofrojnë komoditet, qetësi dhe që kanë akses të shpejtë në facilitate të tjera. Milenialët vlerësojnë gjithashtu shumë privatësinë dhe sigurinë. Këto janë disa nga faktorët që udhëheqin zgjedhjet e tyre kur ata kërkojnë prona të patundshme luksoze.

in RH Liqeni Posted by admin

Dëshira për të jetuar në periferi zgjeron ofertat dhe mundësitë e investimit!

Rolling Hills Liqeni, projekti konkurrues në tregun imobiliar

Zgjerimi i kryeqytetit, prej kohësh ka nxitur një trend që është përqafuar nga një pjesë e mirë e popullsisë; atë të të kërkuarit mundësi për të jetuar më në periferi, e cila në krahasim me jetën në një zonë të zhvilluar urbane ofron disa përfitime shtesë

Vendndodhja, me një akses të shpejtë edhe pse jashtë qendrës, ajri i pastër, gjelbërimi, vilat apo apartamentet me hapësira më të mëdha banimi, por edhe privatësia dhe siguria janë disa nga motivet kryesore që e kanë kthyer jetën jashtë qytetit gjithnjë e më të zakonshme në vitet e fundit.

Nëse para 10 viteve komplekse të tilla vilash, kryesisht kishin si klientë vetëm një pakicë personash, sot ato janë gjithnjë e më të lakmuara për disa arsye. Përveç stilit të një jete më të qetë, komunitetit të përzgjedhur, afërsisë prej disa minutash me qendrën e Tiranës, blerja e një prone në këto komplekse është padyshim një investim i mençur.

Nëse dikush sot vendos të blejë një vilë apo apartament në një zonë periferike si Farka, aty ku po ndërtohet kompleksi rezidencial i ri Rolling Hills Liqeni, falë zhvillimit të viteve të fundit, infrastrukturës të plotë urbane dhe atraksionit turistik që kjo zonë ofron, është rritur mundësia jo vetëm për ta shfrytëzuar për të jetuar, por sidomos për ta ofruar më pas me qira. Një proces, që vite më parë ishte thuajse i paimagjinueshëm, sidomos për pronat  e vendosura më larg nga qendra e kryeqytetit. Përmes kësaj prirjeje, e cila po njeh gjithnjë e më tepër rritje, është e mundur që shtëpia e blerë, të shlyejë vetveten brenda një kohe të caktuar.

Vilat dhe apartamentet në Rolling Hills Liqeni, pozicionuar në një nga zonat me më potencial të Tiranës, ofrojnë një cilësi të lartë ndërtimi, arkitekturë të përzgjedhur me pamje tërheqëse, duke iu përgjigjur pritshmërive të çdo interesi, veçanërisht të atyre që  blerjen në një zonë të tillë e shohin me leverdi për të ardhmen. Me kohën, edhe konceptet e ndërtimit të komplekseve të tilla kanë ndryshuar.

Në Rolling Hills Liqeni, rezidentët nuk blejnë thjesht një vilë apo apartament, por i’u jepet për herë të parë mundësia, që në një kompleks të tillë Premium, të përfitojnë nga të gjitha njësitë e shërbimeve që e bëjnë jetën më të thjeshtë. Një tërësi zgjedhjesh për ata klientë që duan të kenë gjithçka, aty ku do të jetojnë përgjithmonë apo thjesht për të kaluar fundjavat.

Trendi gjithnjë në rritje i çmimeve në tregun imobiliar, sot po shërben si një nxitës për investime në komplekse të tilla Premium, duke i shtyrë shumë njerëz që të përfitojnë nga çmimet e momentit.

M.Q./Shqiptarja.com

in RH Liqeni Posted by admin