Apartamente Premium pranë Rolling Hills Liqeni
Apartments for Sale in Tirana, Albania – Premium Living at Rolling Hills Liqeni
Apartamente
Nëse jeni në kërkim të një apartamenti në shitje në Tiranë, dijeni se Rolling Hills Liqeni ju hap një udhë: të investoni në një nga zonat rezidenciale më tërheqëse që ka sot kryeqyteti shqiptar. Projekti ka zënë vend në një cep të qetë, mes kodrave të gjelbra rreth Farkës — fare pranë vetë Liqenit të Farkës.
Për ata që kërkojnë diçka më shumë se një thjesht pronë — që kërkojnë, domethënë, apartamente premium në Tiranë — u ofrojmë banesa ku bashkohen rehatia, standardet më të larta të ndërtimit e të infrastrukturës, dhe një vendndodhje që gjendet lehtë: vetëm 10 minuta larg qendrës së Tiranës.
Zbuloni Apartamentet me 2 dhe 3 Dhoma Gjumi në Rolling Hills Liqeni
Apartamentet me 2 dhe 3 dhoma gjumi, në Rolling Hills Liqeni, mbartin një koncept arkitektonik të hijshëm, ku stili neoklasik francez i shtrëngon dorën modernitetit.
Në to gjeni:
01
Dritë natyrale dhe hapësirë të mirëshpërndarë
02
Efiçencë energjetike
03
Pamje nga liqeni dhe nga gjelbërimi që rrethon kompleksin
04
Ambiente ndenjeje dhe fjetjeje
05
Tualete moderne dhe ballkone
06
Privatësi, brenda një komuniteti të mbyllur
Apartamentet me 2 dhoma gjumi u shkojnë për shtat çifteve të reja, familjeve në fillim, profesionistëve dhe investitorëve — atyre, pra, që kërkojnë vlerë të mirë, si nga qiraja, ashtu edhe nga rishitja. Kush i krahason apartamentet me shtëpitë në shitje në Tiranë, e gjen këtu një mundësi për të jetuar mirë, në formatin e apartamentit, pa hequr dorë nga asgjë. Apartamentet më të mëdha, me 3 dhoma gjumi, u ofrojnë hapësirë shtesë familjeve në rritje, të huajve që zgjedhin të vendosen këtu, dhe atyre që synojnë një investim prone të nivelit të lartë.
Përfitime të Tjera të Jetesës në një Komunitet Kaq Mirë të Planifikuar
- Parkim nëntokësor
- Administrim profesional i pronës
- Piazza, me kafene, dhe restorante
- Shtigje këmbësore
- Akses drejt Lungomares së Liqenit të Farkës
Përse Rolling Hills Liqeni?
Vendndodhje strategjike
Qetësi, ajër i pastër, natyrë — dhe, megjithatë, asnjëherë më shumë se dhjetë minuta larg qendrës së Tiranës.
Komunitet i sigurt dhe privat
Hyrja e kontrolluar dhe siguria 24 orë në ditë ua sigurojnë banorëve atë çka kërkojnë më shumë: siguri, privatësi, ekskluzivitet.
Standarde të larta ndërtimi
Ky zhvillim s'lë asgjë pa u menduar: ndërtim superior, lehtësira moderne, efiçencë energjetike, hapësira parkimi, zona të përbashkëta të planifikuara me kujdes.
Stil jetese dhe komunitet
Rolling Hills Liqeni s'është thjesht një vend ku fle; është një komunitet i plotë, ku çdo gjë e nevojshme për një jetë të rehatshme e keni pranë.
Potencial investimi
Apartamentet e reja, brenda komuniteteve rezidenciale të nivelit të lartë, po i duan gjithnjë e më shumë familjet, profesionistët, kompanitë ndërkombëtare, dhe ata që kthehen nga diaspora.
Një Investim i Mençur Prone në Tiranë
Tirana mbetet, edhe sot, qendra ekonomike dhe e biznesit të Shqipërisë. Të zotërosh një apartament në Rolling Hills Liqeni do të thotë të hysh në tregun e pasurive të patundshme me një kapital fillestar më të vogël se sa do të kërkonte një vilë — pa e lënë, megjithatë, vendndodhjen e shkëlqyer pas dore.
Qoftë se kërkoni një shtëpi për familjen tuaj, qoftë një pronë për ta dhënë me qira, Rolling Hills Liqeni mbetet, ndër zgjedhjet e apartamenteve në Tiranë, një prej më të veçantave.
Pyetje të Shpeshta
A mund të blejnë të huajt apartamente në Tiranë, Shqipëri?
Po, mundet, e pa asnjë pengesë. Shtetasit e huaj kanë të drejtë të blejnë apartamente në Shqipëri, përfshirë ato brenda kompleksit Rolling Hills Liqeni. Nuk kërkohet leje qëndrimi për të blerë një apartament, e as nuk ekziston ndonjë leje e veçantë blerjeje. Ekipi ynë i shitjeve ju qëndron pranë gjatë gjithë procesit, që nga rezervimi e deri te nënshkrimi i kontratës së shitjes.
A janë gati për banim këto apartamente të reja në shitje në Tiranë?
Rolling Hills Liqeni po dorëzohet me faza. Apartamentet e Fazës 1 do të dorëzohen brenda vitit 2026, dhe së shpejti do të vihen në shitje. Kush blen njësi ende në ndërtim, zakonisht përfiton çmime e dizajne më të favorshme.
Cili është dallimi mes apartamenteve me 2 dhe me 3 dhoma gjumi?
Dallimi qëndron te madhësia, te planimetria, dhe te lloji i blerësit të cilit i drejtohen. Apartamentet me 2 dhoma gjumi, rreth 103–122 m², u shkojnë çifteve, familjeve të reja, profesionistëve dhe investitorëve — dhe janë pikërisht ato që ofrojnë të ardhurat më të mira nga qiraja, si dhe mundësitë më të mira rishitjeje. Apartamentet me 3 dhoma gjumi, rreth 144–188 m², kanë një dhomë shtesë dhe hapësirë ndenjeje më të gjerë; prandaj u shkojnë familjeve në rritje, të huajve, dhe atyre që mendojnë të qëndrojnë më gjatë. Të dyja llojet, megjithatë, ofrojnë të njëjtën gjë në thelb: dritë natyrale, planimetri funksionale, ndërtim energjetikisht efiçent, tualete moderne, ballkone private, dhe pamje nga Liqeni i Farkës ose nga gjelbërimi përreth.
A është blerja e një apartamenti në Tiranë një investim i mirë, tani?
Tirana vazhdon të zhvillohet si qendra ekonomike dhe e biznesit e Shqipërisë, ndërsa kërkesa për banesa cilësore — brenda komuniteteve të planifikuara mirë — s’ndalet: e duan familjet, e duan profesionistët, e duan bizneset ndërkombëtare, e duan edhe ata që kthehen nga diaspora. Me një apartament, hyni në treg me një kapital fillestar relativisht më të ulët se sa do t’ju duhej për një vilë, pa hequr dorë, megjithatë, nga një adresë po aq premium — gjë që siguron kërkesë të qëndrueshme për qira dhe rritje të vlerës. Në Rolling Hills Liqeni, hyrja e kontrolluar, administrimi profesional i pronës dhe shërbimet brenda kompleksit e bëjnë të lehtë edhe dhënien me qira, edhe rishitjen. Si në çdo blerje prone, kthimi varet, në fund të fundit, nga situata e tregut; prandaj ju këshillojmë të kërkoni edhe një këshillim financiar të pavarur.
Përse të zgjidhni Rolling Hills Liqeni, ndër apartamentet e tjera në shitje në Tiranë?
Rolling Hills Liqeni s’është një ndërtesë e vetme; është një komunitet i tërë, i planifikuar deri në hollësi. Ndodhet mes kodrave të gjelbra të Farkës, pranë Liqenit të Farkës, dhe megjithatë vetëm 10 minuta larg qendrës së Tiranës — qetësi e gjelbërim, pa humbur asnjë grimë aksesueshmërie. Banorët gëzojnë hyrje të kontrolluar me siguri 24 orë në ditë, ndërtesa në stil neoklasik francez me finiturë moderne, ndërtim energjetikisht efiçent, parkim nëntokësor, administrim profesional prone, një Piazza me kafene, restorante e shërbime, shtigje këmbësore, dhe akses të drejtpërdrejtë në Lungomaren e Liqenit të Farkës. Rrallë e gjen, në Tiranë, të bashkuar në një vend të vetëm, këtë kombinim vendndodhjeje, cilësie ndërtimi dhe lehtësirash.
Sa kushtojnë apartamentet, dhe a ofrohen plane pagesash?
Çmimet për apartamentet me 2 dhe 3 dhoma gjumi në Rolling Hills Liqeni nisin nga 262.680 €, dhe ndryshojnë sipas sipërfaqes, katit, vendndodhjes dhe pamjes që ofrojnë. Për njësitë e blera ende në fazën e ndërtimit, mund të organizohen plane pagesash fleksibël. Disponueshmëria dhe çmimet e apartamenteve varen nga shitja e fazave përkatëse; për më shumë hollësi, ju lutemi drejtohuni departamentit tonë të shitjeve.
Si funksionon procesi i blerjes në Rolling Hills Liqeni?
Procesi, në thelb, është i thjeshtë: konsultimi dhe vizita fillestare (në vend ose online); zgjedhja e apartamentit; nënshkrimi i marrëveshjes së rezervimit, me tarifën përkatëse; më tej, kontrata noteriale e shitjes dhe grafiku i pagesave; e në fund, regjistrimi i pronësisë dhe dorëzimi i çelësave. Ne koordinojmë vetë të gjitha proceset e nevojshme me noterin dhe me zyrën e regjistrimit të pasurive, dhe u qëndrojmë pranë edhe klientëve ndërkombëtarë, që s’mund të jenë fizikisht të pranishëm.
Sa larg është Rolling Hills Liqeni nga qendra e Tiranës, aeroporti dhe shkollat?
Nga Rolling Hills Liqeni, qendra e Tiranës arrihet për rreth 10 minuta me makinë, e Aeroporti Ndërkombëtar për rreth 20. Shkolla Ndërkombëtare e Tiranës gjendet brenda 5–10 minutash, ndërsa shërbimet e përditshme — kafene, restorante e të tjera — i keni pikërisht në Piazzën e Rolling Hills Liqeni, me Lungomaren e Liqenit të Farkës të arritshme thjesht duke ecur.